Wartee (ဝါးတီး) POS
User Guides

Wartee - ဆိုင်အချက်အလက်နှင့် ဆက်တင်များ

မီနူးများ မထည့်သွင်းမီ သင့်ဆိုင်၏ အခြေခံအချက်အလက်များနှင့် ကောက်ခံမည့်နှုန်းထားများကို ဦးစွာ ပြင်ဆင်ထားသင့်ပါသည်။ အထူးသဖြင့် ငွေကြေးသင်္ကေတ၊ အခွန် နှင့် ဝန်ဆောင်ခ တို့ကို ကြိုတင်သတ်မှတ်ထားပါက မီနူးဈေးနှုန်းများ ထည့်သွင်းသည့်အခါ မှန်ကန်စွာ တွက်ချက်ပေးနိုင်ပါသည်။

ဤဆက်တင်များကို အစပိုင်းတွင် တစ်ကြိမ်သာ ပြင်ဆင်ရန် လိုအပ်ပြီး နောင်တွင် လိုအပ်သလို ပြန်လည်ပြင်ဆင်နိုင်ပါသည်။

၁။ ဆက်တင်စာမျက်နှာသို့ သွားရောက်ခြင်း

Wartee Settings Navigation

ဆက်တင်များအားလုံးကို ပိုင်ရှင် (Owner) အကောင့်ဖြင့်သာ ဝင်ရောက်ပြင်ဆင်နိုင်ပါသည်။

  1. အောက်ခြေ မီနူးဘားရှိ အခြား (Other) ကို နှိပ်ပါ။
  2. စီမံ (Manage) ကို နှိပ်ပါ။
  3. စာရင်းအောက်ဆုံးမှ ဆက်တင်များ (Settings) ကို နှိပ်ပါ။

ဤနေရာတွင် ဆိုင်အချက်အလက်၊ ကောက်ခံမည့်နှုန်းထားများနှင့် အခြားသတ်မှတ်ချက်များကို အုပ်စုလိုက် တွေ့ရပါမည်။

၂။ ဆိုင်အချက်အလက် (Branding)

Branding Settings

ဆိုင်အချက်အလက် တွင် ဖောက်သည်များ မြင်တွေ့ရမည့် သင့်ဆိုင်၏ အသွင်အပြင်ကို သတ်မှတ်ပါသည်။

  1. စားသောက်ဆိုင်နာမည် — သင့်ဆိုင်၏ နာမည်ကို ထည့်ပါ။
  2. ဖော်ပြချက် — သင့်ဆိုင်အကြောင်း တိုတိုဖော်ပြချက် (မဖြစ်မနေ မလို)။
  3. Logo — ဆိုင်လိုဂိုပုံ တင်ရန် နှိပ်၍ ဖုန်းမှ ပုံရွေးပါ။
  4. ငွေကြေးသင်္ကေတ — ဥပမာ Ks သို့မဟုတ် MMK။ ဤသင်္ကေတသည် မီနူးဈေးနှုန်းအားလုံးတွင် ပေါ်လာပါမည်။
  5. အဓိကအရောင် — အက်ပ်အတွင်း အသုံးပြုမည့် အရောင်ကို ရွေးချယ်ပါ။
  6. ပြင်ဆင်ပြီးပါက ဆက်တင် သိမ်းရန် ကို နှိပ်ပါ။

အကြံပြုချက် မီနူးဈေးနှုန်းများ မထည့်မီ ငွေကြေးသင်္ကေတ ကို ဦးစွာ သတ်မှတ်ထားပါ။

၃။ ငွေတောင်းခံရာတွင် ကောက်ခံမည့်နှုန်းထားများ (Billing Charges)

Billing Charges

ဆိုင်တွင် အခွန် (Tax) သို့မဟုတ် ဝန်ဆောင်ခ (Service Charge) ကောက်ခံပါက ဤနေရာတွင် သတ်မှတ်ပါ။ ဤနှုန်းထားများကို တွက်ချက်ပြီး ဘောက်ချာတွင် အလိုအလျောက် ထည့်သွင်းပေးပါမည်။

အခွန် ဖွင့်ရန်

  1. အခွန် ဖွင့်ရန် ကို ဖွင့်ပါ။
  2. အခွန်နှုန်း (%) တွင် နှုန်းထားကို ထည့်ပါ (ဥပမာ 5)။

ဝန်ဆောင်ခ ဖွင့်ရန်

  1. ဝန်ဆောင်ခ ဖွင့်ရန် ကို ဖွင့်ပါ။
  2. ဝန်ဆောင်ခနှုန်း (%) ကို ထည့်ပါ (ဥပမာ 10)။
  3. ဝန်ဆောင်ခ အသုံးပြုမည့်နေရာ တွင် ဆိုင်တွင်စားသူ (Dine-in)၊ အွန်လိုင်း မှာယူသူ စသည်ဖြင့် မည်သည့်အော်ဒါအတွက် ကောက်ခံမည်ကို ရွေးပါ။

သတ်မှတ်ပြီးပါက ဆက်တင် သိမ်းရန် ကို နှိပ်ပါ။

မှတ်ချက် အခွန် သို့မဟုတ် ဝန်ဆောင်ခ မကောက်ခံပါက ဤအဆင့်ကို ကျော်သွားနိုင်ပါသည်။

၄။ ငွေပေးချေမှု နည်းလမ်းများ (Payment Methods)

Payment Methods

အွန်လိုင်းမှ မှာယူသော ဖောက်သည်များ ငွေလွှဲနိုင်ရန် ငွေပေးချေမှုနည်းလမ်းများ ထည့်သွင်းပါ။

  1. + ငွေပေးချေမှု နည်းလမ်း ထည့်ရန် ကို နှိပ်ပါ။
  2. အမည် — ဥပမာ KBZPay၊ AYA Pay၊ Bank။
  3. အကောင့်နံပါတ် — ငွေလွှဲရမည့် အကောင့်နံပါတ်။
  4. QR ပုံ — ငွေလွှဲ QR ကုဒ်ပုံ တင်ရန် နှိပ်ပါ။
  5. ငွေပေးချေမှုနည်းလမ်းများစွာ ထည့်နိုင်ပါသည်။ ပြီးပါက ဆက်တင် သိမ်းရန် ကို နှိပ်ပါ။

၅။ ဝန်ဆောင်မှု ရရှိနိုင်မှု (Availability)

Availability Settings

ဆိုင်ဖွင့်ချိန်နှင့် မှာယူမှုလက်ခံခြင်းကို ဤနေရာတွင် ထိန်းချုပ်ပါသည်။

  • အွန်လိုင်း မှာယူခြင်း ခွင့်ပြုရန် — ဖောက်သည်များ အွန်လိုင်းမှ မှာယူခွင့်။
  • ကိုယ်တိုင် (QR) မှာယူခြင်း ခွင့်ပြုရန် — စားပွဲ QR ကုဒ်ဖြင့် ကိုယ်တိုင်မှာယူခွင့်။
  • ဖွင့်ချိန် — ဖွင့်ချိန်/ပိတ်ချိန် (HH:MM ပုံစံ၊ ဥပမာ 09:00 နှင့် 22:00)။ အချိန်ကန့်သတ်ရန် မလိုပါက ကွက်လပ်ထားပါ။
  • ပိတ်ရက်များ — ဆိုင်ပိတ်မည့် ရက်စွဲများ ထည့်ထားနိုင်ပါသည်။

ပြီးပါက ဆက်တင် သိမ်းရန် ကို နှိပ်ပါ။

၆။ ဆိုင်တည်နေရာ (Shop Location)

Shop Location

မြေပုံပေါ်တွင် သင့်ဆိုင်တည်နေရာကို ပြသထားပါက ဖောက်သည်များ ဆိုင်ကို ပိုမိုလွယ်ကူစွာ ရှာတွေ့နိုင်ပါသည်။

  1. လိပ်စာ ကို ထည့်ပါ။
  2. ဆိုင်တွင် ရှိနေပါက 📍 ကျွန်ုပ်၏ လက်ရှိတည်နေရာ သုံးရန် ကို နှိပ်၍ တည်နေရာကို အလိုအလျောက် ဖြည့်နိုင်ပါသည်။
  3. သို့မဟုတ် လတ္တီတွဒ် နှင့် လောင်ဂျီတွဒ် ကို ကိုယ်တိုင်ထည့်နိုင်ပါသည်။
  4. ဆက်တင် သိမ်းရန် ကို နှိပ်ပါ။

၇။ ဝင်ငွေ PIN (Revenue PIN)

Revenue PIN

ဝင်ငွေဆိုင်ရာ အချက်အလက်များ (ရောင်းအား၊ ခွဲခြမ်းစိတ်ဖြာချက်များ) ကို ကာကွယ်ရန် PIN သတ်မှတ်နိုင်ပါသည်။

  1. PIN အသစ် တွင် အနည်းဆုံး ဂဏန်း (၄) လုံး ထည့်ပါ။
  2. ယခင် PIN သတ်မှတ်ထားပြီးသားဆိုပါက Old PIN တွင် ယခင် PIN ကိုပါ ထည့်ပါ။
  3. ဝင်ငွေ PIN သတ်မှတ်ရန် ကို နှိပ်ပါ။